1990-ci il 20 Yanvar tarixində Sovet ordusu tərəfindən Bakıda baş vermiş qanlı hadisələrə münasibət bildirməsi üçün.

1990-cı il yanvarın 19-da Mixail Qorbaçov SSRİ Konstitusiyasının 119-cu maddəsini kobud şəkildə pozaraq, yanvarın 20-dən Bakıda fövqəladə vəziyyət elan edilməsi haqqında fərman imzaladı.Qara yanvarda keçmiş sovet dövlətinin hərb maşınının Azərbaycan xalqına qarşı həyata keçirdiyi qətllər insanlığa qarşı törədilmiş ən ağır cinayətlərdən biri kimi bəşər tarixində qara səhifə olaraq yazılıbdır. Milli azadlığı, ölkəsinin ərazi bütövlüyü uğrunda mübarizəyə qalxmış dinc əhaliyə divan tutulması, yüzlərlə günahsız insanın qətlə yetirilməsi, sovet ordusunun cinayətkar mahiyyətini bütün dünyaya bir daha nümayiş etdirdi.Təcavüz nəticəsində Bakıda 134 mülki vətəndaş öldürülmüş, 600-dən çox adam yaralanmışdı,öldürülənlər arasında beş millətin nümayəndələri, 20-dən çox qadın, uşaq var idi.